森美与太太游日险瞓街 撰感谢文：好多人平时冇见冇倾但都拔刀相助

目前正与太太身处日本的森美于昨晚（12日）发帖文指已预订及获确认的酒店未有为他们提供房间，令他们于晚上仍然流浪街头寻找其他酒店留宿。其后，他更新近况感激各方，并表示终于找到最后一间房。

森美拍片展示实况，且谓：「𠵱家夜晚10点几，我喺条街度，原因係咩呢？原因就係呢，我就订咗酒店啦，由京都返返嚟大阪，搭紧火车返返嚟大阪，下昼5点钟收到Email，订酒店嘅网站话畀我听，我嗰间房冇咗喇。但我一个礼拜前就已经Confirm咗，同埋冇得Refund嘅，Confirm咗Booking，即係畀咗钱㗎喇。Confirm咗喇啵，但𠵱家呢，嚟到冇啦，经过两个钟头嘅争论之后呢，酒店就冇畀到我Booking。所以𠵱家夜晚10点钟呢，我搵晒成个大阪都冇酒店，𠵱家喺街上挑战人生。真係估都估唔到去日本旅行，大阪都嚟过好多次㗎喇，Shopping就试过，探险真係未试过啦。搵唔到啊，唯一搵到嘅酒店喺奈良，冇理由飞去奈良，究竟发生咩事呢？最后会点呢？今晚食完饭，10点喇，都係搵唔到酒店一晚，无论日本嘅网站，同埋上面嘅网站……唔知噏乜，都搵唔到酒店喇。𠵱家我……唔知，重点係我老婆都开始唔睬我喇。咁啊，希望今晚搵到地方瞓啦。」

他又写道：

「星期六晚嘅大阪真係冇酒店有房

大酒店都冇

小酒店又係冇

亲身去咗问几间

全部爆晒

今晚去边？」

他在晚上约11时终于找到落脚点：

「感谢各方好友

个个都搵朋友又或者自己找上门帮手

结果真係有一个朋友

虽然好耐冇见

但係就係凭今次个经历

帮我喺网上面搵到一间不远酒店！

最后一间房

下次book咗房真係要再

自己send email去酒店confirm

先至好出发

网上网站，中介人信唔过

我知你哋好想知係边间……

详情留返节目讲俾大家听

重点係人生好多艰难

你係估唔到会发生

去到最后都係要靠朋友

多谢各位朋友

感激每一个关心每一个电话每一个短讯

好多人平时冇见冇倾但係都拔刀相助

世界有爱

感恩

你们每一个人都很有爱！

祝唔使7街瞓嘅朋友，早唞！

多谢关心」